Queens

Queens er einn af fimm borgarhlutum New York City í Bandaríkjunum.

Kort sem sýnir Queens litað gult

Queens er staðsett á vesturhluta Long Island. Einnig tilheyra Queens nokkrar litlar eyjar.

Íbúar Queens eru rúmlega 2,3 milljónir. Queens er næst fjölmennasti borgarhlutinn en er stærstur, 283 ferkílómetrar.

Unisphere er 43 metra hátt stál hnattlíkan sem er að finna í Flushing Meadows-Corona Park. Það vegur um 410.000 kg og er 37 metrar í þvermál.

Citi Field er hafnaboltavöllur í Flushing Meadows-Corona Park. Það er pláss þar fyrir um 45.000 manns. Það kostaði um 990 milljónir dollara að byggja völlinn.