Flatiron

Flatiron byggingin er á 175 Fifth Avenue í Manhattan í New York City. Flatiron var byggð á árunim 1901-1903, er á 21 hæð og er 93 metra há, ein af hærri bygginum í New York City. Hún er þríhyrningslaga skýjakljúfur sem mögulega er einn af mest mynduðu byggingum í heimi, en engin bygging hefur oftar verið á frímerkjum en Flatiron. Hverfið sem Flatiron stendur í, Flatiron district, er nefnt eftir skýjakljúfrinum sjálfum.

Flatiron átti upphaflega að heita Fuller Building, eftir fyrirtækinu sem byggði hana, en fékk seinna nafnið Flatiron, vegna óvenjulegrar lögunar sem minnti á straujárn. 

Tískuvikan

Í New York er ein af fjórum stærstu tískuvikum í heiminum, ásamt París, London og Mílanó.
New York Tískuvikan, eða New York Fashion Week, er haldin í febrúar og september á hverju ári. Hún stendur yfirleitt yfir í 7-9 dag, núna er hún haldin 12. -19. febrúar.
Núna, í febrúar eru haustlínur kynntar og má sjá brot af þeim hér að neðan.

Kim Kardashian

Þó að veðrið sé ekki alltaf það besta í New York City, nánar tiltekið Manhattan, þá lætur Kim Kardashian það stoppa sig.
Hin 34 ára sýndi það að veðrið, sem þennan mánudag var mínus ein, hefur engin áhrif á fatavalið.

Kim Kardashian, 9. febrúar, í Manhattan

Kim var ein sinnar ferðar í verslunarleiðangri. Raunveruleikastjarnan flaug til New York City eftir Grammy verðlaunahátíðina, sem hafði verið deginum á undan, sem hún auðvitað mætti á.

Kim á Grammy verðlaununum, 8. febrúar

Ostakökur

Ekkert segir "New York" eins og ostakaka. Léttar og mjúkar eða þungar og þykkar, New York City ostakökur eru bakaðar með allskonar áferðum.

Á nær öllum veitingastöðum í New York City er einhver gerð af ostaköku á matseðlinum, því hvað er betra en að enda góða máltíð á sneið af ostaköku. Er það því mottó margra að því betri sem kakan er því betri er veitingastaðurinn.

Mörg eru bakaríin í New York City en eftirtalin bakarí eru talin þau bestu þegar kemur að ostakökum.

• Jounior's
• Two Little Red Hens
• Lady M Confections
• Martha's Country Bakery
• Eileen's Special Cheescake

Þeir sem eru ekki á leiðinni til New York City en langar að smakka, þurfa bara að baka sjálf, eða láta einhvern annan gera það fyrir sig sem er miklu þægilegra.

New York ostakaka (fyrir 12)

Botn:

85 gr smjör, bráðið

140-240 gr Digestive kex, fínt mulið

1 msk sykur

Fylling:

900 gr rjómaostur

250 gr strásykur

3 msk hveiti

1 1/2 tsk vanilludropar

3 stór egg

1 eggjahvíta

200 ml sýrður rjómi

1 1/2 tsk sítrónusafi

Börkur af 1 sítrónu, um 2 msk

Sýrður rjóma toppur:

200 ml sýrður rjómi

1 msk strásykur

2 tsk sítrónusafi

Aðferð:

Botninn

1.1 Hita ofninn á 160 °C og blástur.

1.2 Þekja 23 cm springform með bökunarpappír.

1.3 Bræða smjörið í potti og bæta svo kexmulningi og sykri út í og hræra því vel saman.

1.4 Þrýsta því vel í formið og baka í 5-10 mínútur.

1.5 Láta kólna á grind meðan fyllingin er búin til.

Fyllingin

2.1 Hækka hitann á ofninum upp í 200 °C.

2.2 Hræra mjúkan rjómaostinn á lágum-miðlungs hraða í hrærivél,  í um 2 mínútur eða þangað til hann verður rjómakenndur

2.3 Með hrærivélina á lágum hraða er sykur, hveiti og salt sett jafnt út í. Skafa niður á hliðunum þangað til allt er vel blandað saman.

2.4 Bæta út í vanilludropum, sítrónubörk, sítrónusafa og þeyta það.

2.5 Bæta út í einu eggi í einu og eggjahvítunni.

2.6 Í annari skál, hræra sýrða rjómann svo hann verði mjúkur.

2.7 Taka sýrða rjómann og setja út í rjómaostablönduna og halda áfram á lágum hraða.

2.8 Þeyta til að blanda öllu saman, ekki ofgera, fyllingin á að vera slétt, létt og loftkennd.

3.1 Smyrja smjöri á hliðarnar á forminu með botninum.

3.2 Hella allri fyllingunni í formið.

3.3 Fyllingin á að vera eins slétt og mögulegt er, ef það koma loftbólur í fyllinguna eru þær stungnar með hníf.

3.4 Baka kökuna í 10 mínútur.

3.5 Lækka hitann niður í 90 °C og baka áfram í 20-25 mínútur.

3.6 Ef formið er hrist lauslega á kakan að juða til.

3.7 Slökkt er á ofninum og eldavélshurðin er opnuð ef ostakakan á að vera mjúk í miðjunni, eða lokuð ef kakan á að vera með þurrari áferð.

3.8 Kakan látin sitja í ofninum í 2 klst.

Sýrður rjóma toppur

4.1 Sýrðum rjóma, sykri og sítrónusafa er blandað saman.

4.2 Smurt yfir alla ostakökuna.

5.1 Kakan er lauslega hulin með álpappír og geymd í ísskáp í a.m.k. 8 klst

5.2 Hníf er runnið meðfram forminu til að losa hana.

5.3 Opnað er hliðina á forminu, rennt ostakökunni af botninum á forminu á disk og síðast er bökunarpappírinn tekin undan.

Innfætt frægt fólk

Margir hafa fæðst í New York City, og er því ekki skrýtið að einhverjir af þeim séu frægir.

Tónlist

Tónlistarfólk sem fæddist í New York City eru meðal annars:

• Jennifer Lopez
• Lady Gaga
• Christina Aguileira
• Alicia Keys
• Lea Michele
• Lana Del Rey
• Idina Menzel
• Barbara Streisand
• Cyndi Lauper
• Jay-Z
• Marc Anthony
• Lenny Kravitz

Leiklist

Leikkonur og leikarar fædd í New York City eru meðal annars:

• Anne Hathaway
• Scarlet Johansson
• Lindsay Lohan
• Chris Rock
• Eddie Murphy
• Sylvester Stallone
• Maggie Gyllenhaal
• Julia Louis-Dreyfus
• Whoopi Goldberg
• Steve Buscemi
• Vin Disel
• Josh Peck

Fatahönnun

Fatahönnuðir sem fæddust í New York City eru meðal annars:

• Calvin Klein
• Marc Jacobs
• Ralph Lauren

Annað markverkt fólk frá New York City eru til dæmis:

• Joan Rivers
• Mike Tyson
• Woody Allen
• Jimmy Kimmel
• Jimmy Fallon
• Paris Hilton

Veður

VETUR

Veturinn er frá nóvember og út febrúar. Það getur orðið kalt, mjög algengt er að það sé á milli -8°C og 5°C. Það er oft blautt á götnum, annað hvort út af rigningu eða slabbi. Það getur líka orðið ansi snjóþungt. Snjókoman er mest í janúar og febrúar, og eru því hvít jól sjaldgjæf, en þau koma stundum fyrir. 

Skautavöllur í Central Park er opinn á veturna

VOR

Vorið er oftast frá mars og fram í miðjan maí. Það getur stundum verið napurt framan af. Hitastigið er á milli 5°C og 15°C, en það rignir oft á þessum árstíma.

Blómstrandi kirsuberjatré í Manhattan

SUMAR

Sumarið er frá lok maí og alveg út september. Hitinn er ofast 25-30°C en í júlí og ágúst getur farið reglulega upp í 35°C. Vindurinn er alltaf heitur, en stundum getur rignt mikið seinni part dagsins.

Vinsælt er að fara í sólbað í Central Park

HAUST

Haustið er í raun bara október og hálfur nóvember. Hitastigið er sirka 10-15°C, og bara frekar milt.

Gosbrunnurinn Bethesda í Central Park

Myndrit sem sýnir meðalhita hvers mánaðar

Íþróttir

Íþróttalíf í New York City er víða frægt og hefur verið borginni til mikils sóma.

Í New York City eru höfuðstöðvar margra íþróttaliða; fótbolta, hafnarbolta, körfubolta, ruðnings og íshokkís. Íþróttafélögin leika í fimm stærstu íþróttadeildum í Bandaríkjunum, og hafa þau unnið samtals 53 titla.

Madison Square Garden er heimili körfuboltaliðanna Knicks og Rangers.

Séð Madison Square Garden utanfrá

Séð inn í Madison Square Garden fyrir Knicks leik

New York City Maraþonið er stærsta maraþon í heimi. Hlaupið byrjar á Staten Island og endar í Central Park, farið er í gegnum alla borgarhlutana. Árið 2014 tóku 50.869 þátt, en 305 af þeim náðu ekki að klára.

Keppendur á leið yfir Verrazano-Narrows brúna

Tungumál, kynþættir og trú

Tungumál

Í New York eru töluð 800 tungumál, sem gerir hana málfarslega fjölbreyttustu borg í heimi. Enska er mest talaða tungumálið, þó aðeins séu 51% af íbúum sem tala bara ensku heima hjá sér.


Mest töluðu tungumálin eru:

1. Enska, 4 milljónir
2. Spænska, 1,9 milljónir
3. Kínverska, 420 þúsund
4. Rússneska, 190 þúsund
5. Franska, 180 þúsund

Næst á eftir koma m.a ítalska, kóreska, pólska, arabíska og hebreska

Kynþættir

Af þeim rúmlega 8,4 milljónum sem búa í New York City, þá eru 45% íbúa hvítir, um 3,8 milljónir. 

Skiptingin er svona:

1. Hvítir, 45%
2. Svartir, 25%
3. Rómanskir, 20%
4. Asískir, 10%

Trú

Sagt er að New York City sé fimmta 'trúaðasta' borg í heimi, en þar eru 83% sem tilheyra trú, flestir eru kaþólskir.

Skoðum skiptinguna nánar:

1. Kaþólskir, 62%
2. Gyðingar, 22%
3. Mótmælendur, 10%
4. Múslimar, 6%

Samgöngur

Götur
Þó mikið sé um almenningssamgöngur eru götur, breiðvegir og hraðbrautir stór partur af borginni. Þekktar breiðgötur og götur eru t.d. Wall Street, Madison Avenue, Brodway og Seventh Avenue. Þekkt gatnamót eru Times Square.

Leigubílar

Eitt af þekktari táknum yfir New York City eru gulir leigubílar. Það eru 50.000 manns sem mega keyra leigubíla og yfir 13.000 leigubílar eru á skrá Í NYC. Árið 2012 voru 60% af leigubílum í Norður Ameríku í New York City.

Neðanjarðarlestir
New York City Subway er heimsins stærsta neðanjarðarlesta fljótflutningakerfi, 

Flug
Lofthelgið í New York er það annasamasta í Bandaríkjunum, og eitt af því stærra í heiminum. Þrjú stór flugfélög lenda flugvélum sínum í New York City.

Rútur
Í New York City er stærsta og uppteknasta rútufyrirtæki í heimi sem á, og notar, 7.000 rútur á dag, sem þjóna 200.000 manns daglega. 

Ferjur
Staten Island Ferry er uppteknasta ferja í heiminum. Aðrar ferjur ganga líka í NYC.

Tvíburaturnarnir

Tvíburaturnarnir voru partur af sjö turnum, World Trade Center, í Manhattan, og á árunum 1972 til 1974 voru turnarnir tvær hæstu byggingar heims. Það unnu yfir 10.000 manns við byggingu turnanna, sem tók 8 ár að fullvinna.
Það munar um 2 metrum á hæð turnanna, nyrðri turninn er 417 metrar, en syðri turninn er 415 metrar. Turnarnir eru samtals um 1.500.000 kg. Tvíburaturnarnir hrundu eftir árásir hryðjuverkamanna þann 11. september 2001. Í árásinni dóu 2.996 og voru skemmdir upp á 10 milljarða dollara



11. september var ekki í fyrsta skipti sem árás var gerð á Tvíburaturnana. 1993 keyrði hryðjuverkamaður bíl, fullum af sprengjum, inn í bílakjallara í Tvíburaturnunum. Sex manns dóu og yfir 1.000 manns voru særðir.


30.000 bollar af kaffi eru afgreiddir á dag. 87 tonn af mat koma inn í byggingarnar á hverjum degi.
17 börn hafa fæðst og 19 manns verið myrtir í turnunum.
3 menn hafa stokkið niður af turnunum með fallhlífar.

Times Square

Times Square eru vegamót í Manhattan, þar sem göturnar Broadway og 7. breiðstræti renna saman. Vegamótin hétu upprunalega Longacre Square en þeim var gefið nýtt nafn árið 1904 þegar dagblaðið New York Times opnaði höfuðstöðvarnar sínar þar í Times Building, sem nú heitir One Times Square.

Á byggingunum á Times Square eru margir auglýsingaskjáir og neonljósaskilti.

Á gamlárskvöldi hefur Time Square Ball Drop verið haldið í 108 ár. Á hverju ári mæta fleiri en milljón manns þangað og telja niður í nýtt ár.

Daglega fara um 350.000 manns um Times Square. Það er talað um Times Square sem The Crossroads of the World, eða Gatnamót Heimsins.

Central Park

Central Park er almenningsgarður í mið Manhattan. Garðurinn var fyrst opnaður árið 1857 og var hann þá 315 hektarar að stærð, en seinna var hann stækkaður í 341 hektara, 4 kílómetra langur og 800 metra breiður.

Í dag er Central Park mest sótti garður í Bandaríkjunum, um 38 milljónir sem fara þangað á ári. Garðurinn er opinn allt árið.
Garðurinn er einn af mest notuðu kvikmyndatökustöðum í heiminum.

Það eru yfir 25.000 tré í öllum garðinum.
Mikið af dýrum þrífast í Central Park, t.d. fuglar, íkornar og þvottabirnir.
Það eru tveir innandyra veitingastaðir í garðinum.

Það eru 36 brýr í Central Park

Empire State

Empire State byggingin er 102 hæða skýjakljúfur í miðbæ Manhattan. Nafnið er dregið af viðurnefni New York fylkis. 
Þó að byggingarvinna hafi aðeins staðið yfir í 11 mánuði, þá er þakið er 380 metrar og er byggingin samtals 1454 metrar á hæð. Hún var hæsta bygginging heims í rúm fjöritíu ár, þangað til Tvíburaturnarnir voru kláraðir. Eftir hryðjuverkin 11. september 2001 varð Empire State hæsti skýjakljúfur New York City á ný.

Toppurinn á byggingunni er notaður til að útvarpa mestum hluta af sjónvarpsstöðvum og útvarpssendingum í NYC.

Empire State er verður að meðaltali fyrir eldingu 23 sinnum á ári.
Empire State er heimili svo margra fyrirtækja, að það hefur sitt eigið póstnúmer.
Það kostar allt frá 3000 ísl.kr. upp í 14.000 ísl.kr. að fara upp í turninn. Það tekur um 30 mínútur að komast á efstu hæð.

Frelsisstyttan

Frelsisstyttan, stendur á Liberty Island og er stór stytta sem Frakkland gaf Bandaríkjunum árið 1886. Hún var vígð þann 20. október 1886 í tilefni af aldarafmæli Bandaríkjanna.

Frédéric Bartholdi hannaði styttuna og Gustave Eiffel (hönnuður Eiffelturnsins) hannaði burðarvirki hennar.

Andlit styttunnar er skapað eftir
eftir móður myndhöggvarans

Fullt nafn styttunnar er Liberty Enlightening the World, eða Frelsi Upplýsir Heiminn.

Styttan er úr kopar og er núna öll þakin spanskgrænu. 

Sloppklædda kvenkyns lagaða styttan táknar rómversku gyðjuna Libertas, sem stendur fyrir frelsi.

Styttan heldur uppi kyndli með árituninni 4. júlí 1776, sem er fullveldisdagur Bandaríkjanna. Upprunalega kyndlinum var skipt út árið 1984 fyrir nýjum kyndli úr kopar sem er þakinn 24 karata gulli.

Til að komast upp í kórónuna, þarfa að labba upp stiga sem er 377 tröppur. Það eru 25 gluggar í kórónunni. Gaddarnir á kórónunni tákna sjö höf heimsins og sjö heimsálfurnar í heiminu, sem gefur til kynna alþjóðlega hugtakið um frelsi.

Þó ekki sjáist í fætur stytturnar, þá eru þær umkringdar brotnum keðjum. Hægri löppin er reist upp sem táknar að hún vill að kúgun og þrælahaldi verði hætt.

Frá jörðu upp í efsta punkt kyndilsins eru 93 metrar og vegur styttan 204 tonn. Styttan notar skó númer 878. Mitti styttunnar er 10,7 metrar.

Um 4 milljónir fara og skoða styttuna á ári.